يا بلادي يا أحلي البلاد يا بلادي
أنا كنت دايما أفكر وأقول أنا هسيب البلد دي وان أتخنقت منها ومن ناسها ومن الزحمة والشوارع وكل حاجة تخنق هنا
بس أشتغلت في مجلة أسمها كلمتنا وأتعرفت على ناس في المجلة دي شباب صغير من سني ولما شفتهم شفت ان فينا خير جوا كل واحد فينا وحبيتهم أوى وحبيت المجلة وحسيت ان لو انا وهما وزينا موجود كتير أشتغلنا وعملنا بضمير شغلنا البلد دي هتبقى أحسن وممكن نكون قدوة كويسة لغيرنا ... وقررت إن وراكي وراكي يا مصر يا أشوفك من أحلى البلاد يا أموت وأنا بحاول أخليكي أحلاهم
تفتكروا نعمل إيه إيجابي علشان نخلي بلدنا كويسة وتكون أحسن
أنا من رأي أننا نبدأ من نفسنا
لغاية ما نخليها بلد ... زي ما بنحلم بيها
هناك ٣ تعليقات:
السلام عليكم ورحمة الله وبركاته
أكتر حاجة بتعجبني فيكي وطنيتك وانتمائك وتفاؤلك وحسن ظنك بالرغم من كل الظروف والضغوط بس أنتي أكتر شخص عنده حماس ماشاء الله وطموح ليس له حدود بجد ربنا يبارك فيك ويبارك في تفكيرك ويجعلك دائماً مثل أعلى وفخر وقدوة لكل الشباب اللى في سنك واللى أكبر وأصغر كمان علشان الإنسان اللى الخير داخله هو الذي يستطيع أن ينشره على الجميع بارك الله فيك ونفع بيك وسدد خطاك وأكثر من أمثالك إن شاء الله تحققي حلمك وبلادك مصر تكون أحلى البلاد يا بلادي :-)
الله الله مش لاقية كلام اجمل من كلام هبة
فعلا انا مقتنعة مليون فى المية هي دي اماني
عندك كمية عطاء تكفى البلد دي
انا مبسوطة انك بقيتي واحدة من الفريق بقينا "مثلث ":)
مع بعض هنعمل المتسحيل
مدونة تحفة
مروة
ولسة ... ولسة .. ولسة ,,, والله طول مافي ناس زيك ياماني لازم هتبقى مصر مهما بقت وحشة هتبقى احلى واحلى ..
مش لوحدي الي هقولك انا معاكي .. لا كل الي بيحبوها بجد ومن غير منظرة ولا كلام فارغ ,,
يلا ايدينا في ايد بعض وربنا يقدرنا ؟
أحمد نشأت
إرسال تعليق